Bakı. Trend:
İqtisadiyyat naziri Mikayıl Cabbarov Ümumdünya Əqli Mülkiyyət Təşkilatının (ÜƏMT) baş direktorunun müavini Həsən Kleib ilə görüşüb.
Trend xəbər verir ki, bu barədə nazir özünün "Twitter" hesabında məlumat verib.
"Həsən Kleib ilə təşkilatla ölkəmiz arasında əlaqələrin uğurlu inkişafını vurğuladıq və əməkdaşlığın potensial istiqamətlərini nəzərdən keçirdik", - deyə Mikayıl Cabbarov bildirib.
Nazirin sözlərinə görə, onlar sahibkarlıq subyektləri üçün əmtəə
nişanları və coğrafi göstəricilər üzrə təcrübə mübadiləsinin
təşkili; Qlobal İnnovasiya İndeksində ölkəmizin mövqeyinin
yaxşılaşdırılması üçün imkanların təhlili; Əqli mülkiyyət
hüquqlarının müdafiəsinin təminatının iqtisadi siyasətə çevrilməsi
məsələlərini nəzərdən keçiriblər.
