Bakı. Trend:
ASCO-nun sifarişi əsasında Bakı Gəmiqayırma Zavodunda tikiləcək Xəzər dənizinin ilk hibrid enerji qurğulu dalğıc gəmisi dənizin 60 metr dərinliyində işləmək imkanına malik olacaq.
Bu barədə Trend-ə Azərbaycan Xəzər Dəniz Gəmiçiliyindən (ASCO) bildirilib
Qeyd olunub ki, ASCO-nun ekoloji siyasətinə, eləcə də Beynəlxalq
Dənizçilik Təşkilatının və bir sıra digər təsnifat cəmiyyətlərinin
emissiyaların azaldılması ilə bağlı tələblərinə uyğun inşa ediləcək
bu gəmi həm də Prezident İlham Əliyevin elan etdiyi “Yaşıl dünya
naminə həmrəylik ili”nə mühüm töhfə verəcək.