Bakı. Trend:
Azərbaycanda 6 faydalı qazıntı yatağının auksion formasında hərracı keçiriləcək.
Trend-in məlumatına görə, Sumqayıt şəhəridəki “Sumqayıt” gil yatağının, Göyçay rayonundakı “Göyçay” qum-çınqıl yatağının, Ağsu rayonundakı “Ağsuçay” qum-çınqıl yatağının, Ağdam rayonundakı “Şelli” və “Burundağ” üzlük daşı (mərmərləşmiş əhəngdaşı) yatağlarının, eləcə də İmişli rayonudakı “Bəhrəmtəpə II” qum-çınqıl yatağının satışı baş tutacaq.
Hər bir faydalı qazıntı yatağının istismar müddəti 1 ilədək nəzərdə tutulub.
Məlumata görə, hərraclar 29 yanvar 2026-cı il tarixində baş tutacaq. Hər bir hərrac üzrə iştirak haqqı 540 manat həcmində müəyyənləşdirilib.
Hərracın keçiriləcəyi ünvan: Əmlak Xidmətləri Məkanı, Xəlil Rza Ulutürk 20 Bakı, Azərbaycan, 1029.
Hərracda iştirak etmək istəyən fiziki və hüquqi şəxslər hərracla bağlı məlumat almaq, iştirak haqqı və 10% miqdarında beh məbləğini ödəmək üçün Dövlət Mineral Xammal Ehtiyatlarından İstifadə Agentliyinə müraciət edə bilərlər. (Bakı şəhəri, Səbail rayonu, İstiqlaliyyət küçəsi, 31 A) tel: (012) 597 01 68 (dax:5022)