Azərbaycan, Bakı, 15 yanvar/ Trend , müxbir İ.Xəlilova/ POS-terminalların işinin səmərəliliyi üçün Vergilər Nazirliyi bank əməliyyatlarına görə, sahibkarları təmin etməyən yüksək komisyon haqlarının azaldılması üzrə banklarla danışıqlar aparır. Bu barədə çərşənbə axşamı vergilər naziri Fazil Məmmədov məlumat verib.
Bu il vergi orqanlarının üzərinə qoyulmuş səlahiyyətlər çərçivəsində, kassa-nəzarət aparatlarının istifadəsi və POS-terminalların tətbiqinə nəzarət gücləndiriləcək.
"Mən hesab edirəm ki, bu, Azərbaycanın hazırki reallığına uyğundur. Nəqd olmayan hesablaşmaların səviyyəsinin artırılması 2008-ci ilə əsas tələblərdən biridir və bu, banklarla sıx əməkdaşlıq yolu ilə təmin edilməlidir" -nazir bildirib.
Onun sözlərinə görə, bu sahədə problemlərə görə, ölkənin Nazirlər Kabinetinin sərəncamında nəzərədə tutulmasına baxmayaraq, 2007-ci ildə respublikanın ticarət obyektlərində və xidmət sferalarında nəqd olmayan hesablaşmaya keçid prosesini başa çatdırmaq mümkün olmayıb.
Vergilər nazirinin müavini Natiq Əmirov bank komissiyalarının azalması prosesinin əhalinin kartlardan istifadə fəallığından asılı olduğunu hesab edir. Belə ki, dövriyyənin artması halında bu, banklara sərfəli ola bilər. Bu gün bank komissiyalarının ölçüsü dövriyyənin 1.5-2%-ni təşkil edir.
Hazırda Bakıda 5.5 min, respublika üzrə isə 6 min POS-terminal qurulub. Bakının ticarət obyektlərində tətbiq olunduqdan sonra, onların sayı əlavə olaraq 20 min artacaq. Əmirov 2008-ci ilin sonunadək bu prosesin başa çatacağına əmin deyil. Lakin bu il şəhərdə yaradılacaq bütün ticarət obyektlərində birmənalı olaraq POS-terminallar quraşdırılacaq. Əks halda, onlar uçota dura bilməyəcəklər.
