Azərbaycan, Bakı, 06 mart / " müxbir U.İsmayılova/ Azərbaycanın iri sığorta şirkətlərindən biri olan MBASK nizamnamə kapitalını 2 mln. manatdan 3 mln. manata qədər artırmaq niyyətindədir. Bu barədə şirkətin idarə heyətinin sədri Cəmil Məlikov bildirib.
"Nizamnamə kapitalı 2007-ci ildə əldə olunan mənfəət hesabına artırılacaq" - deyə Məlikov vurğulayıb.
2007-ci ilin yekunu üzrə şirkətin mənfəəti 1,5 mln. manat təşkil edib.
Azərbaycan Maliyyə Nazirliyinin məlumatına görə, MBASK 2007-ci ildə 14,66 mln. manat məbləğində sığorta haqqı toplayıb. Şirkətin sığorta ödəmələri isə 3,16 mln. manat təşkil edib.
1992-ci ildən Azərbaycanın sığorta bazarında fəaliyyət göstərən MBASK sığorta şirkəti 29 növdə sığorta xidməti göstərir ki, bunların da dördü icbaridir.
Müəlliflə əlaqə saxlamaq üçün elektron ünvan : [email protected]
