Gürcüstan, Tbilisi, 19 dekabr/ Trend , müxbir N.Kirtsxaliya/ ABŞ hökuməti Gürcüstana 47 mln. dollar həcmində növbəti yardımını ayıracaq. Amerikanın Tbilisidəki səfirliyinin məlumatına görə, bu məbləğ sentyabrda ABŞ prezidenti Corc Buş və Dövlət Katibi Kondoliza Raysın, ayrılması barədə bəyan etdiyi bir mlrd. dollarlıq iqtisadi yardım paketinin bir hissəsidir.
"Qış dövründə əhaliyə, daha çox münaqişə nəticəsində zərər çəkən insanlara kömək məqsədilə yardım ayırmaq bizə xoşdur", - deyə amerikalı səfir Con Tefft bildirib.
Məbləğin ayrılması barədə sənəd bu gün Gürcüstanın Dövlət Dəftərxanasında imzalanacaq. İmzalanma mərasimində ABŞ Konqresinin Demokratiyaya Dəstək Komissiyasının nümayəndə heyəti iştirak edəcək.
47 mln. dollar həcmində yardım BMT və Dünya Bankı trəfindən aparılan qiymətləndirmə əsasında müəyyənləşdirilib.
Növbəti iki il ərzində ABŞ Gürcüstana müxtəlif tipli yardımlar ayıracaq. Bu yardımlar münaqşişədən zərər çəkmiş məcburi köçkünlər, infrastrukturun bərpası, iqtisadi inkişafın davam etdrilməsi və Gürcüstan iqtisadiyyatına sərmayədarların etibarının bərpasında istifadə olunacaq. Yardım ölkənin demokratik proseslərinin inkişafı və enerji təhlükəsizliyinə kömək edəcək.
Məqalə müəllifi ilə əlaıq ünvanı- [email protected]