Ukrayna, Kiyev, 13 yanvar / Trend , müxbir Z. Novosvitski/ Bu gündən Ukraynanın Milli Bankı kommersiya banklarına gün ərzində nəğd valyutanın məzənnəsinin dəyişdirilməsini qadağan edib. Bu, Milli Bankın 12 yanvar tarixli 28-212/124-388 - saylı məktubunda əksini tapıb.
Sənəddə deyilir ki, xarici valyutanın qrivna ilə alqı - satqı kursları bankların kassalarında, ayrı - ayrı şöbələrində və valyutadəyişmə məntəqələrində, bu bankların Idarə Heyəti sədrlərinin əmrinə əsasən, hər gün iş gününün əvvəlində müəyənləşdirilməlidir. Bununla bərabər, bankların ayrı - ayrı şöbələrinin rəhbərlərinə xarici valyutaların alqı-satqı kurslarını özbaşına müəyyənləşdirmək də qadağan olunub.
Məqalə müəllifi ilə əlaqə ünvanı: [email protected]