Azərbaycan, Bakı, 17 mart / Trend , müxbir Ü.İsmaylova /
"Mülkiyyət Bazarının İştirakçıları" İctimai Birliyindən verilən məlumata əsasən, fevral ayında Bakı avtomobil bazarında təkliflər 1,1% artsa da tələb 4,6% azalıb.
Avtomobillərin alqı-satqısı müqavilələrinin dinamikasında ötən il 6,7% azalma müşahidə olunub.
Avtomobillərin orta qiyməti 7,2% azalaraq bir avtomobil üçün 16,24 min dollar təşkil edib. İlkin avtomobil bazarında qiymətlər 5,7% azalıb.
Maşınların ekspozisiya müddəti bazarda 6 gün artaraq 85 gün təşkil edib. Buna müvafiq olaraq risk ehtimalı artıb və likvidlik səviyyəsi azalıb.
Ötən ay bazara 6,58 min avtomobil təklif olunub ki, onlardan yalnız 31%-i fevralda təklif edilib və 69%-i avtomobil bazarında ötən aylardan qalıb.
Məqalə müəllifi ilə əlaqə ünvanı: [email protected]