Azərbaycan, Bakı, 05 fevral / Trend , müxbir N.İsmayılov/
Azərbaycanda çayçılığın inkişafı məqsədilə iri sənaye-maliyyə qrupu olan Gilan Holdinq yeni "Gilan Tea" MMC yaradıb. MMC ölkənin Vergilər Nazirliyinin "vahid pəncərə" sistemində qeydiyyatdan keçib.
Şirkət 2010-cu il yanvarın 14-də 100 manat nizamnamə kapitalı ilə dövlət qeydiyyatından keçib. Şirkətin təsisçisi Gilan Holding, qanuni nümayəndəsi isə Mühəndis Cahangirovdur.
Gilan Holdinqin tərkibinə 20 müəssisə və tikinti materialları (beton, gips məhsulları, kərpic və başqaları), kənd təsərrüfatı məhsulları (konservləşdirilmiş məhsullar, təbii meyvə şirələri, spirtli içkilər, makaron, fındıq emalı), yüngül sənaye (dəri emalı və.s), turizm (mehmanxana biznesi) sahəsindəki şirkətlər daxildir.
