Bakı. Trend:
Elm və təhsil naziri Emin Əmrullayev Gəncədə "Son zəng" mərasiminə qatılıb.
Trend-in bölgə müxbiri xəbər verir ki, nazir Emin Əmrullayev Gəncə şəhəri Məhəmməd Hadi adına 10 nömrəli tam orta ümumtəhsil məktəbində "Son zəng" tədbirində iştirak edir. Ölkə üzrə orta məktəbi bitirən bütün şagirdləri təbrik edən E. Əmrullayev məzunlara gələcək həyatlarında uğurlar arzulayıb.
Qeyd edək ki, 2025–2026-cı tədris ilində Gəncə-Daşkəsən Regional Təhsil İdarəsinin tabeliyində fəaliyyət göstərən orta ümumi təhsil müəssisələrinin XI siniflərini 6583 nəfər, IX siniflərini isə 8341 nəfər olmaqla, ümumilikdə 14 924 şagird başa vurur. Ayrıca məktəblərdə 7042 şagird I sinfi tamamlayır.
Qeyd edək ki, Gəncə-Daşkəsən Regional Təhsil İdarəsinin tabeliyində 246 ümumi təhsil müəssisəsi fəaliyyət göstərir.
