Bakı. Trend:
“Kataib Hizbullah” silahlı qruplaşmasının birləşmələri uzun müddət ərzində neft və neft məhsullarının qaçaqmalçılıq yolu ilə çıxarıldığı İraqın mərkəzində yerləşən Curf əs-Səhr rayonunu müstəqil şəkildə tərk edəcək.
Bu barədə İraq Silahlı Qüvvələrinin Ali Baş Komandanının anümayəndəsi Sabah ən-Numan bildirib.
“Kataib Hizbullah” qruplaşması qüvvələrini Curf əs-Səhr rayonundan çıxaracaq”, - deyə “Al Hadath” telekanalının sitat gətirdiyi ən-Numan bildirib.
O izah edib ki, İraq hakimiyyəti qruplaşma ilə razılığa gəlib və Curf əs-Səhrda sabitliyin bərpası ilə bağlı ölkənin Baş naziri və Silahlı Qüvvələrin Ali Baş Komandanı Əli əz-Zeydinin planının həyata keçirilməsinə qəti sadiqlik nümayiş etdirilir.
Ən-Numanın sözlərinə görə, “bölgədə yerləşdirilməsi nəzərdə tutulan bütün təhlükəsizlik qüvvələrinin bölmələri artıq onun sərhədlərinə çatıb”.
O qeyd edib ki, hökumət başçısı “Curf əs-Səhrda təhlükəsizlik qüvvələrinin yerləşdirilməsi prosesinə şəxsən nəzarət edəcək”.
Ən-Numan təhlükəsizliyin təmin edilməsi üzrə məsuliyyətin təhvil verilməsi prosesinin heç bir çətinlik olmadan baş tutacağına əminliyini ifadə edib.