Аzərbaycan, Bakı, 30 iyun /Trend, müxbir N.İsmayılova/
Azərbaycan bankı Paşa Bank artıq 2010-cu ilin sonunda yeni "private banking" xidmətini təqdim etmək niyyətindədir. Bu barədə çərşənbə günü bankın idarə heyətinin sədri Fərid Axundov 2009-cu ildə bankın fəaliyyətinin yekunlarına həsr olunmuş mətbuat konfransında bildirib.
"Private banking" çərçivəsində xidmətlər beynəlxalq məsləhətçilərlə aparılır və ilin sonunda yeni xidmətlər göstərməyi planlaşdırırıq, qalanları üzərində işlər isə davam etdiriləcək", - Axundov deyib.
"Paşa Bank" ASC 2007-ci ilin iyun ayında təşkil edilib və Azərbaycan Respublikası Mərkəzi Bankının 250 saylı 28 noyabr 2007-ci il tarixli lisenziyası əsasında fəaliyyət göstərir. Nizamnamə kapitalının həcminə görə (115 407 100 manat) Azərbaycanda ikinci yeri tutur.
Paşa Bankın strateji vəzifəsi korporativ sektora xidmət etməkdir. Bankın əsas məqsədi strategiyadan irəli gələn prioritet istiqamətlər üzrə biznesin keyfiyyətli inkişafı, eləcə də müştərilər və əməkdaşlarla uzunmüddətli və etibarlı münasibətlər yaratmaq və inkişaf etdirməkdir.
"Private banking"in əsas xüsisiyyəti ondan ibarətdir ki, hər bir xidmət konkret müştərinin tələbatına uyğun olaraq fərdi şəkildə formalaşmalıdır.
"Pasha Ban"k ASC PAŞA Holdinq şirkətlər qrupuna daxildir. Bankın səhmlərinin 60 faizi PAŞA Holdinq, 30 faizi ADOR ltd, 10 faizi isə Arif Paşayevin payına düşür.