Azərbaycan, Bakı, 21 oktyabr /Trend, müxbir S.Əliyev/
"Azərbaycan Dəmir Yolları" (ADY) QSC-nin Çexiyada "CZ LOKO" müəssisəsində təmir edilən "ÇME-3" seriyalı beş teplovozu Bakıya gətirilib. Bu barədə ADY-nin cümə axşamı yayılan məlumatında deyilir.
Hazırda Biləcəri lokomotiv parkında olan teplovozlarda rabitə əlaqələri qurulur.
Təmir edilən teplovozlardan üçü Biləcəri, biri Dübəndi, digəri Bakı sərnişin stansiyalarında manevrli işlər görəcəklər.
Bu lokomotivlər əsaslı təmir üçün ötən ilin fevralında Çexiyaya göndərilmişdi.