...

Azərbaycan bankı displeyli plastik kart buraxacaq

Biznes və iqtisadiyyat xəbərləri Materials 29 May 2014 19:24 (UTC +04:00)

Trend-i buradan izləyin

Azərbaycan, Bakı, 29 may /Trend, müxbir E.Əliyev/

"Banc Technique" displeylə təchiz edilmiş kart buraxmaq niyyətindədir. Trend-in məlumatına görə, bunu bankın İdarə Heyətinin sədri Ülvi Mansurov "The Business Year" jurnalına müsahibəsində deyib.

Ü.Rzayevin sözlərinə görə, bank bu məhsulu "MasterCard Gold"un bazasında buraxmağa hazırlaşır: "Bu innovativ kart inteqrasiya edilmiş çip və identifikasiya vasitələri ilə ödəniş kartı qismində çıxış edəcək. Təchiz edilmiş displeyin köməyi ilə stolüstü personal kompüterlər və mobil qurğular üçün hazırlanmış "Technique Online" və "Technique Mobile" platformalarında müştərilərin avtorizasiyası məqsədilə birdəfəlik parollar generasiya ediləcək".

O, qeyd edib ki, ölkədə ilk belə kartın tətbiq edilməsi banka müştərilərinə daha yüksək səviyyəli təhlükəsizlik və rahatlıq təqdim etməyə imkan verəcək: "Bundan başqa, kart internetdə alış-veriş zamanı əlavə təhlükəsizliyi təmin edəcək. Müştərilərə CVC-dən başqa, "MasterCard"dan 3D Secure texnologiyası təqdim edilir. Biz bu kartı bankın elektron filiallarında, həmçinin telefon dəstək xidmətində identifikasiya vasitəsi qismində istifadə etməyi planlaşdırırıq. Operator sizin elektron bankçılıq istifadəçisi olub-olmadığınızı soruşacaq, əgər siz istifadəçisinizsə, o zaman sizə birdəfəlik kodu deməyi təklif edəcəklər".

Ü.Rzayev vurğulayıb ki, bank 2013-cü ildə onlayn bankçılıq sisteminin yaradılması üzərində ciddi iş aparıb: "Biz, demək olar, bütün nağdsız əməliyyatlar həyata keçirməyə imkan verən maksimum geniş funksionallı onlayn bankçılıq sisteminin yaradılması məqsədinə çatdıq. Hazırda biz bankın elektron filiallarının işə salınması üzərində işi, elektron bankçılığa çıxışı olan bankomatları quraşdırmağa davam edirik. Yekun məqsəd müştərilərə bütün bank əməliyyatlarını onlayn rejimdə həyata keçirmək imkanı verməkdir. Bununla belə, anlayırıq ki, müştərilərin vərdişlərinin dəyişməsinə və elektron bank xidmətlərinin populyarlığını artırmağa vaxt lazımdır".

Məqalədə:
Xəbər lenti

Xəbər lenti