...

"Yunayted Kredit Bank" və "NBCBank"ın şəhadətnamələri ləğv edildi

Biznes və iqtisadiyyat xəbərləri Materials 27 Yanvar 2016 17:41 (UTC +04:00)
"Yunayted Kredit Bank" və "NBCBank"ın şəhadətnamələri ləğv edilib.
"Yunayted Kredit Bank" və "NBCBank"ın şəhadətnamələri ləğv edildi

Bakı. Trend:

"Yunayted Kredit Bank" və "NBCBank"ın şəhadətnamələri ləğv edilib.

Əmanətlərin Sığortalanması Fondundan Trend-ə verilən məlumata görə, Azərbaycan Mərkəzi Bankının İdarə Heyətinin 25 yanvar 2016-cı il tarixli, 06/1 və 06/3 saylı qərarları ilə "Yunayted Kredit Bank" ASC və "NBCBank" ASC-yə bank əməliyyatlarının aparılması üçün verilmiş lisenziyalarının ləğv edilməsi ilə əlaqədar olaraq, 7 avqust 2007-ci il tarixdə 27 nömrəli reyestr nömrəsi ilə Fonda üzv olan "Yunayted Kredit Bank" ASC və 10 sentyabr 2007-ci il tarixdə 34 nömrəli reyestr nömrəsi ilə Fonda üzv olan "NBCBank" ASC 27 yanvar 2016-cı il tarixində "Əmanətlərin sığortalanması haqqında" Azərbaycan Respublikasının Qanununun 22.3.1-ci maddəsinə uyğun olaraq Əmanətlərin Sığortalanması Fonduna üzv bankların reyestrindən çıxarılıb və onlara verilmiş şəhadətnamə ləğv edilib.

Hazırda Fonda üzv bankların sayı 39-dur.

Əmanətlərin Sığortalanması Fondu ictimaiyyətin diqqətinə çatdırır ki, 24 fevral 2015-ci il tarixindən etibarən qorunan əmanətlərin illik faiz dərəcəsinin maksimal həddi 12%-dir. Bu faizdən yuxarı faiz dərəcəsi ilə yerləşdirilən əmanətlər qorunmur və bu əmanətlərə görə kompensasiya ödənilmir.

Hazırda Fonda üzv olan bir və ya bir neçə bankda sığorta hadisəsi baş verdiyi zaman Əmanətlərin Sığortalanması Fondu tərəfindən qorunan əmanətlərə görə əmanətçiyə hər bir sığorta hadisəsi üçün 30 000 manat məbləğində kompensasiya ödənilir.

Əmanətçilər onlara lazım olan məlumatları Əmanətlərin Sığortalanması Fondunun rəsmi veb səhifəsindən əldə edə bilər, Fondla 941 saylı "qaynar xətt" və ya 596 65 91/92 nömrələri vasitəsilə əlaqə yarada bilərlər.

Məqalədə:
Xəbər lenti

Xəbər lenti