Bakı. Trend:
Dövlət Gömrük Komitəsi "yaşıl dəhliz"in 1,14 min iştirakçısını qeydiyyata alıb.
Trend-in məlumatına görə, bunu noyabrın 30-da komitənin Gömrük ödənişləri idarəsinin rəisi Tariyel Alverdiyev "Ticarət və ixracat" adlı forum zamanı deyib.
Onun sözlərinə görə, 790 sahibkar "yaşıl dəhliz"in fəal istifadəçisi, 284-ü ixracatçı, 580-i isə idxalatçıdır.
"2022-ci ilin əvvəlindən Azərbaycana idxal olunan məhsulların 20 faizi gömrük rüsumlarından azad edilib", - deyə o bildirib.
T.Alverdiyev əlavə edib ki, yanvarın birindən etibarən "e-customs" platformasında məhsulların qeydiyyatının yeni qaydalarının işə salınması planlaşdırılır.