Bakı. Trend:
Azərbaycan Mərkəzi Bankı (AMB) bu il sığorta bazarının həcminin 1,2-1,3 milyard manata çatacağını gözləyir.
Trend-in məlumatına görə, bunu bu gün AMB-nin baş direktoru Ziya Əliyev "Sığorta mübahisələrinin uğurlu həlli yolu” adlı konfransda deyib.
"2019-cu ildə Azərbaycanda 650 milyon manat sığorta ödənişi toplanılıb. 2023-cü ilə bu rəqəm 1,2-1,3 milyard manat olacaq ki, bu da son dörd il ərzində sığorta bazarının təqribən iki dəfə böyüyəcəyi deməkdir", - deyə Mərkəzi Bankdan bildiriblər.
Xatırladaq ki, 2022-ci ildə Azərbaycanda sığorta şirkətləri 970,822 milyon manatdan yuxarı sığorta ödənişi toplayıb, ödənişlər isə 433,202 milyon manat təşkil edib.
(Tərcümə: Rəna Əbdürəhmanova)