Azərbaycanın Ekologiya və Təbii Sərvətlər Nazirliyi ölkə bölgələrində kəndlərin beynəlxalq standartlara uyğun olaraq içməli su ilə təchiz olunması üzrə tədbirlər planını (1-ci mərhələ) hazırlayıb. Trend in xəbər verdiyi kimi, bu barədə avqustun 18-də Nazirliyin ekologiya və təbiəti mühafizə siyasəti şöbəsinin başçısı Arif İsgəndərov məlumat verib.
Onun sözlərinə görə, sənəd baxılmaq üçün Nazirlər Kabinetinə təqdim edilib.
"Hazırda bu məqsədlə Japanese International Development Agency-nin sifarişi üzrə "Kajima" korporasiyası ilə araşdırmalar aparılır. İlk növbədə 15 kəndin su təminatının yaxşılaşdırılmasına yönəldilmiş qrant sazişi hazırlanır.
1-ci mərhələnin gerçəkləşdirilməsi əhalisinin sıxlığı 130 min nəfər təşkil edən 150 kəndin su təminatının yaxşılaşdırılmasına imkan verəcək", - deyə o bildirib.