Azərbaycan, Bakı/ Trend müxbir İ.Xalilova / "Azərbaycan investisiya şirkəti" SC aprelin əvvəlində ilk ilk investisiya razılaşmasını imzalamağı planlaşdırır. Bu barədə çərşənbə axşamı AİŞ-in icraçı direktoru Anar Axundov məlumat verib. Şirkətin investisiyası Hövsanda süd zavodunun tikintisinə ayrılacaq.
Onun sözlərinə görə, bu həftə son qərarın qəbul olunması üçün Müşahidə şurasına sənədlər təqdim olunacaq və alınmış mandat əsasında müqavilə imzalanacaq.
Bu layihə barədə memorandum AİŞ, AYİB və ölkədə süd məhsulları istehsalçısı olan Milk-Pro MMC arasında imzalanıb və buna görə də üçtərəfli səhm müqaviləsi imzalanacaq.
AİŞ-in layihədə iştirak payı 20 faiz olmaqla 5 mln. dollar təşkil edəcək. Ümumilikdə isə layihə 11 mln. dollar dəyərində qiymətləndirilir. AİŞ-in Milk-Pro-da iştirakı isə yeni səhm emissiyasının hesabına olacaq.
