Azərbaycan, Bakı /müx. Trend S.Əliyev/ "Donetskiye avialinii" şirkətinə məxsus təyyarə Donetsk-Bakı marşrutu ilə uçarkən əlverişsiz hava şəraiti üzündən (duman) bir müddət öncə Türkmənbaşı (Turkmənistan) hava limanında enməyə məcbur olub. Bu səbəbdən də Bakıya saat 11:33-də gəlib. Bu barədə AZAL Dövlət Konsernindən məlumat veriblər.
Dövlət Konserni nümayəndələrinin sözlərinə görə, sərnişinlərin hamısı maneəsiz Bakıya gəliblər. Təyyarədə 120-dək sərnişin olub.
AZAL-da qeyd ediblər ki, KİV-də "Donetskiye avialinii" şirkətinin güya borclu olduğu üçün təyyarəsinin Bakıda qəbul edilməməsi ilə bağlı informasiya, habelə sərnişinlərin Türkmənistanda problemlə üzləşməsi barədə xəbərlər həqiqətə uyğun deyil.