Azərbaycan, Bakı, 7 may /Trend, müxbir E.İsmayılov/
2013-cü ilin birinci rübündə "Şahdəniz" yatağından 2,42 milyard kubmetr (təqribən 85,6 milyard kubfut) qaz və 0,63 milyon ton (təqribən 5 milyon barel) kondensat hasil edilib. Trend-in məlumatına görə, bu barədə çərşənbə axşamı bp-nin yanvar-mart aylarında Azərbaycanda fəaliyyətinin yekunlarına dair yaydığı rəsmi hesabatda deyilir.
Məlumatda bildirlir ki, gündəlik təxminən 27 milyon kubmetr (951 milyon standart kub fut) qaz və 55 300 bareldən artıq kondensat hasil edilib.
Hesabatda bildirlir ki, birinci rüb ərzində "Şahdəniz" yatağı üzrə fəaliyyətlərə 42 milyon dollar əməliyyat xərcləri və 395 milyon dollar əsaslı xərclər çəkilmişdir. Bütün il üçün bu rəqəmlərin müvafiq olaraq 222 milyon dollar və 2 milyard 270 milyon dollar olacağı gözlənilir.
2006-cı ilin sonlarında "Şahdəniz" hasilat başlanandan 2013-cü ilin birinci rübünün sonunadək yataqdan bazarlara təqribən 40 milyard kubmetr (1414 milyard standart kubfut) qaz və 10,7 milyon ton (85 milyon barel) kondensat ixrac edilib.
Hesablamalara görə, bu layihənin Mərhələ 1 çərçivəsində ildə hasil olunan təqribən 9 milyard kubmetr qaza 16 milyard kubmetr qaz əlavə edəcəyi gözlənilir.
"Şahdəniz" yatağının ehtiyatları 1,2 trilyon kubmetr qaz həcmində qiymətləndirilir.
"Şahdəniz" yatağında iştirak payları belədir: bp (operator - 25,5%), Statoyl (25,5%), ARDNŞ (10%), LUKOYL (10%), NİKO (10%), Total (10%) və TPAO (9%).
