Azərbaycan, Bakı, 18 mart /Trend, müxbir Rufiz Hafizoğlu/
Türkiyənin BOTAŞ şirkəti ölkənin Rusiya tərəfinin qazla bağlı təklifindən imtina etməsinin səbəbini açıqlayıb.
Şirkətdən Trend-ə verilən məlumata görə, buna səbəb Rusiyanın Türkiyədən "Türk axını" boru kəmərinin tikintisi üzrə əlavə güzəştlər tələb etməsidir.
BOTAŞ-dan güzəştlərin mahiyyəti ilə bağlı məlumat verməyiblər: "Bu, "Türk axını"nın tikintisi üzrə danışıqlar çərçivəsində daha əvvəl razılaşdırılmayıb".
Tərəflərin Rusiyanın Türkiyəyə tədarük etdiyi qaza görə endirim edilməsi ilə bağlı danışıqları davam etdirəcəyi gözlənilir.