Bakı. Trend:
Avropa Komissiyası enerji təminatında təhlükəsizliyi prioritet məsələ hesab edir və bu məqsədlə enerji nəqli marşrutlarının diversifikasiyasını vacib sayır.
Trend-in məlumatına görə, bunu Avropa Komissiyasının enerji və iqlim dəyişikliyi üzrə komissarı Migel Arias Kanyete "Euronews" telekanalına müsahibəsində deyib.
"Avropa Komissiyası İtaliyanı Azərbaycanla birləşdirən Cənub Qaz Dəhlizi kimi layihələrə dəstək verir. Beləliklə biz Azərbaycan qazına çıxışı təmin edə bilərik" - deyə Avrokomissar bildirib.