Azərbaycan, Bakı /müx. Trend Ü.İsmaylova/ Çərşənbə axşamı Almaniya -Azərbaycan energetika forumu zamanı Almaniyanın Xarici İşlər Nazirliyinin nümayəndəsi Viktor Elbinq bildirib ki, Azərbaycan enerji resurslarının Avropaya nəqlində mühüm mövqelərdən birini əldə etmək və AB-nin enerji təhlükəsizliyinin təminatını artırmaq üçün böyük potensiala malikdir. Elbinq qeyd edib ki, belə mövqeni əldə etmək üçün Azərbaycan enerji infrastrukturunu təkmilləşdirməlidir, belə ki, Transxəzər qaz kəmərinin AB üçün əhəmiyyəti daha da artır.
Elbinqin fikrincə, Almaniya-Azərbaycan əməkdaşlığı dünyanın enerji resursları ilə təminatında mühüm rol oynaya bilər və Almaniya buna hazırdır.