Azərbaycan, Bakı, 1 oktyabr /Trend, müxbir H.Vəliyev/
"Xalq kompüteri" layihəsi çərçivəsində 19 450 fərdi kompüter satılıb. Bu barədə bazar ertəsi Trend-ə "Best Comp Group" şirkətindən məlumat veriblər.
İlin əvvəlindən kompüterlərin satış artımı 21,7 faiz təşkil edib. Ötən dövr ərzində dəyəri 2,25 milyon manatdan çox olan kompüter texnikası əldə edilib. Bu zaman kompüterin orta hesabla qiyməti 650 manat təşkil edib.
Layihənin buraxılmasından etibarən (2009-cu ilin aprel ayı) ümumilikdə ona 12,6 milyon manatdan çox investisiya qoyulub.
Reallaşdırılan kompüterlərin ümumi sayından 2996 ədədi Bakıda, qalanı isə regionlarda satılıb.
Ümumilikdə layihə çərçivəsində 18 705 ədəd kompüter müəllimlər, 215 ədəd şagirdlər, 522 ədəd tələbələr, 8 ədəd isə səhiyyə işçiləri tərəfindən əldə edilib.
Layihə çəçivəsində satılan kompüterlərin 90 faizdən çoxu portativ texnikanın payına düşür.
