Azərbaycan, Bakı, 23 sentyabr /Trend, müxbir H.Vəliyev/
.az domeninin online-qeydiyyat sisteminin işə salınmasından sonra internetin milli seqmentində qeydiyyatdan keçən veb saytların sayı iki dəfə artıb. Bu barədə bazar ertəsi "İntrans" şirkətindən (.az domeninin millli qeydiyyatçısı) Trend-ə verilən məlumatda bildirilir.
Şirkətdən verilən məlumata görə, əgər əvvəllər gün ərzində 20-35 internet-resurs qeydiyyatdan keçirdisə, indisə bu rəqəm 40-50 internet-resurs arasında dəyişir.
Şirkətdən verilən məlumata görə, istifadəçilər domenin (az, biz.az, com.az, edu.az, info.az, int.az, mil.az, name.az, net.az və org.az) sifarişini və domenin dəyərinin ödənişini Online.az saytı vasitəsilə həyata keçirə bilərlər.
Qeydiyyat üçün ödəniş "Goldenpay" və "Azericard" şirkətləri vasitəsilə həyata keçirilir.