Azərbaycan, Bakı, 11 sentyabr /Trend, müxbir Hüseyn Vəliyev/
Azərbaycan ölkə əlifbasının hərflərindən (ö, ə, ü, ı, ç, ş, ğ) istifadə etməklə internet ünvanların qeydiyyatı sistemini işə salmağa hazırdır. Bunu Trend-ə rabitə və yüksək texnologiyalar nazirinin müavini Elmir Vəlizadə deyib.
Onun sözlərinə görə, hazırda nazirlik beynəlmiləlləşdirilmiş domen adlarının (IDN - Internationalized Domain Names) əyani tətbiqi məsələsini nəzərdən keçirir, lakin məsələ onlardan istifadənin səmərəliliyindən ibarətdir.
E.Vəlizadə hesab edir ki, göstərilən domen adlarının tətbiqi məsələsi latın əlifbasından istifadə etməyən ölkələr üçün aktualdır: "Buna baxmayaraq, biz zərurət yarandıqca domen adlarında Azərbaycan əlifbası hərflərindən istifadəni mümkün etmək üçün hazırlıq keçirdik".
"IntraNS" şirkətinin (.az domeninin milli registratoru) baş direktoru Faiq Fərmanov hesab edir ki, Azərbaycanda latın əlifbasının ölkənin domen adlarında uğurla istifadə oluna biləcəyinə dair hələ əminlik yoxdur.
Onun sözlərinə görə, hazırda IDN-in praktiki tətbiqi hələ digər ölkələr tərəfindən qiymətləndirilir: "Məsələnin texniki tərəfinə gəlincə, IDN-in tətbiqi əlavə tələb etmir".
İnformasiya Problemləri üzrə Araşdırma Mərkəzinin rəhbəri Yaşar Hacıyev isə domen adlarında kiril əlifbasının tətbiqi üzrə Rusiyanın təcrübəsini misal çəkdir: "Rusiyanın IDN-ni işə salınmasının ilk ilində kirildə qeydiyyata alınacaq internet resurslarının sayının təqribən 500 min olacağına dair proqnozları özünü doğrultmadı. Hazırda kirildə təqribən 100 min domen adı qeydiyyata alınıb. Bu ondan xəbər verir ki, bir çoxları hələ internetdə kiril əlifbasına öyrəşə bilməyib. Azərbaycan əlifbası bir neçə hərflə latından fərqlənir. AzNET şəbəkəsində IDN-in tətbiqinə digər əsnada baxmaq olar. Məsələn, bu layihəni türkdilli ölkələrlə reallaşdırmaq və bu, yaxşı təşəbbüs olardı".
