Azərbaycan, Bakı, 12 dekabr /Trend/
Etnik münaqişələrə hansısa xalqın nümayəndələri deyil, mədəniyyətdən məhrum olan insanlar səbəb olurlar. Trend-in məlumatına görə, bu barədə RİA Novosti Rusiya Prezidenti Vladimir Putinin bəyanatına istinadən məlumat verib.
Putin Federal Məclisə illik müraciətlə çıxışında deyib: "Etnik münasibətlər vacib mövzudur. Burada bizim bir çox problemlərimiz, bir çox sosial-iqtisadi və ərazilərin inkişafı üzrə problemlərimiz, korrupsiya, dövlət institutlarının işindəki nöqsanlar və əlbəttə ki, təhsil və mədəniyyət siyasətində uğursuzluqlar cəmləşir".
Onun sözlərinə görə, bu, tez-tez etnik münaqişələrin həqiqi səbəblərinin səhv anlaşılmasına gətirib çıxarır: "Buna hansısa xalqın nümayəndələri deyil, mədəniyyətdən məhrum, həm öz, həm də başqalarının ənənələrinə hörmət etməyən insanlar səbəb olurlar".