Bakı. Trend:
İranın cənubunda 5.1 bal gücündə zəlzələ baş verib.
Trend İranın "Tasnim" agentliyinə istinadən məlumat verir ki, yeraltı təkanlar yerli vaxtla səhər saat 6 radələrində Fars vilayətinin Xonc şəhəri yaxınlığında baş verib.
Vilayətin qubernatorunun verdiyi məlumata görə, zəlzələ nəticəsində 4 nəfər həlak olub. Həlak olanların Əfqanıstan vətəndaşları olduqları və işləmək üçün İrana gəldikləri qeyd olunur.
Zəlzələ baş verərkən onlar bağ evində olublar.