Bakı. Elnur Bağışov - Trend:
Rusiya təyyarəsi Tehranın Mehrabad hava limanına enərkən eniş zolağından çıxıb.
Trend-in məlumatına görə, bunu İranın Mülki Aviyasiya Təşkilatının ictimai əlaqələr şöbəsinin müdiri Rza Cəfərzadə deyib.
R.Cəfərzadənin sözlərinə görə, Rusiyanın BAE125 xüsusi reaktiv təyyarəsi Mehrabad hava limanında enişdən sonra zolaqdan çıxıb.
Təyyarədə 6 ekipaj və sərnişin olub. Hadisədə xəsarət alan olmayıb.
Təyyarənin eniş zolağından çıxmasının səbəbi açıqlanmayıb.