Bakı. Trend:
COVİD-19 koronavirusunun yayılma təhlükəsi səbəbilə Türkiyədə barlar, diskotekalar və gecə klubları martın 16-dan müvəqqəti olaraq bağlanacaq.
Trend-in Türkiyə KİV-lərinə istinadən verdiyi xəbərə görə, bu barədə ölkənin Daxili İşlər Nazirliyinin məlumatında deyilir.
Məlumatda bildirilir: "Vətəndaşları koronavirus pandemiyasından qorumaq məqsədi ilə bazar ertəsi saat 10:00-dan barların, diskotekaların və gecə klublarının fəaliyyəti dayandırılır".
Qeyd edək ki, hazırda Türkiyədə 18 koronavirus xəstəsi var.