Bakı. Trend:
ABŞ-ın "Nomad" blokçeyn platforması haker hücumuna məruz qalıb.
Trend-in məlumatına görə, hakerlər platformada kriptovalyutada olan təxminən 200 milyon dollar məbləğində vəsaiti oğurlayıb.
Qeyd olunur ki, hücum baş verən zaman "Nomad" platformasında elə 200 milyon dollar məbləğində rəqəmsal valyuta olub.
Mütəxəssislər haker hücumunun səbəbini "Nomad" platformasının qısa müddət əvvəl yenilənməsi ilə əlaqələndiriblər.
Qeyd edək ki, iyun ayında "Harmony" blokçeyn platforması 100 milyon dollara yaxın kriptovalyutanın hakerlər tərəfindən oğurlandığını bildirmişdi.