Bakı. Trend:
Rusiyanın xarici işlər naziri Sergey Lavrov hindistanlı həmkarı Subrahmanyam Cayşankarla dekabrın 27-də Moskvada tam formatlı danışıqlar aparacaq.
Trend xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova məlumat verib.
"Dekabrın 27-də Rusiya və Hindistanın xarici işlər nazirlərinin tam formatlı danışıqları planlaşdırılıb", - o deyib.
Qeyd edək ki, Subrahmanyam Cayşankar 25-29 dekabr tarixlərində Rusiyiada səfərdədir. Səfər çərçivəsində Hindistanın XİN rəhbərinin həmçinin, Rusiya Federasiyası baş nazirinin müavini, sənaye və ticarət naziri Denis Manturovla görüşəcəyi və iqtisadi tərəfdaşlıq məsələlərini həl edəcəyi gözlənilir.