Bakı. Trend:
2023-cü ilin sonuna qədər Çin Rusiya və Meksika bazarlarına tədarükün artması sayəsində ilk dəfə olaraq dünyanın ən böyük avtomobil ixracatçısı olacaq.
Trend-in məlumatına görə, bu barədə “Nikkei” qəzeti məlumat yayıb.
Çin Avtomobil İstehsalçıları Assosiasiyasının ilkin məlumatına görə, yanvar-noyabr aylarında Çində yığılmış avtomobillərin ixracı illik müqayisədə 58,4 faiz artaraq 4,41 milyon ədəd təşkil edib. Yaponiya üçün həmin dövrdə bu rəqəm 3,99 milyon olub, ilin sonunda isə ixracın ümumi həcminin 4,3 milyon ədəd olacağı proqnozlaşdırılır. Yaponiya son illərdə dünya avtomobil ixracatçıları reytinqində birinci yeri tutur. Ölkə yalnız 2016-cı ildə Almaniyadan geri qalıb.