Bakı. Trend:
BRICS qrupuna (Braziliya, Rusiya, Hindistan, Çin və Cənubi Afrika) üzv ölkələrin xarici işlər nazirləri bu ilin iyun ayında Rusiyada görüş keçirəcək.
Trend rus KİV-lərinə istinadən xəbər verir ki, bu barədə Rusiya xarici işlər nazirinin müavini Sergey Ryabkov məlumat verib.
"BRICS ölkələrinin xarici işlər nazirlərinin görüşü 2024-cü ilin iyun ayında Nijni Novqorod şəhərində keçiriləcək", - o deyib.
Ryabkovun sözlərinə görə, Rusiyanın BRICS-ə sədrliyi çərçivəsində Rusiyanın onlarla şəhərində 200-dən çox tədbirin keçirilməsi planlaşdırılır.
"BRICS təqvimində mühüm hadisə 16-cə BRICS sammitidir. Tədbir 2024-cü ilin oktyabr ayında Kazan şəhərində keçiriləcək", - deyə Ryabkov əlavə edib.
Qeyd edək ki, Rusiya bu il yanvarın 1-dən BRİKS-ə sədrlik etməyə başlayıb.