Bakı. Trend:
İstanbulda baş verən metrobus qəzası zamanı 53 sərnişin müxtəlif bədən xəsarətləri alıb. Xəstəxanaya yerləşdirilən bu şəxslərdən birinin həyatını xilas etmək mümkün olmayıb.
Trend xəbər verir ki, müalicəsi davam edən sərnişinlərdən daha ikisinin vəziyyəti ağırdır. Hadisə ilə əlaqədar hər iki nəqliyyat vasitəsinin sürücüsü və iki nəzarətçi saxlanılıb. İstintaq davam edir.
Xatırladaq ki, bu gün səhər saatlarında İstanbulun iki qitəsini birləşdirən yüksəksürətli sərnişin nəqliyyat vasitələrindən olan metrobus xəttində qəza baş verib. Hadisə şəhərin Avropa qitəsində yerləşən Küçükçekmece rayonu ərazisində qeydə alınıb.
xxx
11:53
Türkiyədə İstanbulun Küçükçekmece bölgəsində yol-nəqliyyat hadisəsi baş verib.
Trend xəbər verir ki, bu barədə türk KİV-lərinə məlumatyayıb.
Məlumata görə, metrobus qəzası nəticəsində 1 nəfər ölüb, 35 nəfər yaralanıb.
Qeyd edək ki, hadisə yerinə polis və təcili tibbi yardım əməkdaşları cəlb edilib.
xxx
11:35
Türkiyənin İstanbul şəhərinin iki qitəsini birləşdirən yüksəksürətli sərnişin nəqliyyat vasitələrindən olan metrobus xəttində qəza baş verib.
Trend xəbər verir ki, hadisə zamanı on sərnişin müxtəlif bədən xəsarətləri alıb.
Məlumata görə, onlardan üçünün vəziyyəti ağırdır.
Qəza şəhərin Avropa qitəsində yerləşən Küçükçekmece rayonu ərazisində qeydə alınıb.
Hadisə ilə bağlı araşdırma aparılır.