Bakı. Trend:
Azərbaycan Mərkəzi Bankı (AMB) tərəfindən Rəqəmsal İnkişaf və Nəqliyyat Nazirliyinə məxsus “Azərpoçt” MMC- poçt rabitəsi milli operatorunun Xankəndi filialına (Xankəndi Poçt) bank fəaliyyəti üçün lisenziya verilib.
Bu barədə Trend tənzimləyici quruma istinadən xəbər verir.
Belə ki, lisenziyası noyabrın 18-də verilmiş obyekt Xankəndi şəhəri, İsmət Qayıbov küçəsi, 30 ünvanında fəaliyyət göstərəcək. Bununla da bank lisenziya almış poçt filiallarının sayı 38-ə çatıb. Məlumata görə, filala İbrahimov Həbib Hümbət oğlu müdir təyin edilib.