Bakı. Trend:
Suriyanın şərqindəki Deyr əz-Zor vilyətində Koniko qaz yatağının yaxınlığında yerləşən ABŞ hərbi bazası raket atəşinə tutulub.
Trend-in məlumatına görə, bu barədə "Al Mayadeen" televiziya kanalı mənbələrə istinadən bildirib.
Hücumun nəticələri barədə məlumat verilməyib.
Qeyd olunub ki, obyektin yaxınlığında partlayış səsləri eşidilib. Telekanalın məlumatına görə, hadisədən sonra ABŞ-ın rəhbərlik etdiyi beynəlxalq antiterror koalisiyasının qüvvələri Suriya hökumət qüvvələrinin nəzarətində olan əyalətin bir neçə kəndinə hücum edib.