Bakı. Trend:
Ekvadorun ölkənin şimalında, Koka çayı üzərində yerləşən ən böyük su elektrik stansiyası "Coca Codo Sinclair" yaxınlığında neft sızması baş verib.
Trend-in məlumatına görə, bu barədə ölkənin Energetika və Bərpa Olmayan Təbii Sərvətlər Nazirliyi bildirib.
"Nazirlik bildirir ki, bu şənbə, 22 mart 2025-ci il tarixində, təxminən saat 06:00-da Napo əyalətinin El Çako kantonunun San-Fransisko-de-Borxa sektorunda Şuşufindi-Kito boru kəmərindən neft məhsullarının dağılması qeydə alınıb", - deyə bildirilib.
Nazirlikdən bildirilib ki, dövlətə məxsus Ekvador Elektrik Korporasiyası (CELEC) və "Petroecuador" şirkətinin mütəxəssisləri su elektrik stansiyasının infrastrukturunun neftdən qorunması üçün tədbirlər görür.