Bakı. Trend:
Demokratik partiyanın ABŞ senatındakı fraksiyasının lideri Çak Şumer üç şəhərdə yerləşən ofislərinə bomba qoyulması ilə bağlı anonim məlumatın daxil olduğunu bildirib.
Trend bu barədə xarici KİV-ə istinadən xəbər verir.
“Bu gün səhər Nyu-York hüquq-mühafizə orqanları mənə Roçester, Binqemton və Lonq-Aylenddəki ofislərimə daxil olmuş çoxsaylı partlayış təhdidləri barədə məlumat verdilər. Məktubun mövzusu MAGA (“Amerikanı yenidən böyük edək” –red.) olub və 2020-ci ilin ‘saxtalaşdırılmış seçkiləri’ ilə əlaqələndirilən bir elektron poçt ünvanından göndərilib”, - o "X" sosial şəbəkəsində yazıb.
Senat əlavə edib ki, yerli və federal hüquq-mühafizə orqanları dərhal bu hədələrə reaksiya veriblər və kompleks təhlükəsizlik yoxlanışları aparılmaqdadır.