Bakı. Trend:
Polşa Ukraynaya öz arsenalından 9-a qədər “MiQ-29” qırıcı ötürməyi planlaşdırır. Qərar artıq qəbul edilib və hazırda Kiyevlə detallar müzakirə olunur.
Trend xarici KİV-ə istinadən xəbər verir ki, bunu ölkənin müdafiə nazirinin müavini Pavel Zalyevski "TVP World" telekanalına açıqlamasında bildirib.
“Biz Ukrayna Müdafiə Nazirliyindən cavab gözləyirik. Danışıqlar davam edir. Hazırda yalnız texniki müzakirələr aparılır”, – deyə Zalyevski əlavə edib.
Onun sözlərinə görə, Kiyev qırıcıların ötürülməsi ilə bağlı təklifi dəstəkləyir və hazırda logistika və texniki məsələlər yekunlaşdırılma mərhələsindədir.
"İlkin tədarük 10 təyyarədən az olacaq", – deyə nazir müavini qeyd edib.