Bakı. Trend:
Rusiyanın “Azimut” hava yollarına məxsus, Tbilisi-Moskva hava reysi ilə uçan sərnişin təyyarəsi Mineralnıye Vodı aerodromunda məcburi eniş edib.
Trend bu barədə xarici KİV-ə istinadən xəbər verir.
Məcburi enişin təyyarənin göyərtəsində meydana gələn və təfərrüatları açıqlanmayan texniki səbəbə görə baş verdiyi bildirilir.
Aviaşirkətdən bildirilib ki, ehtiyat aerodroma edilmiş eniş uğurlu olub və sərnişinlər “Azimut”un ehtiyat təyyarəsi ilə öncəki kurs üzrə uçuşa hazırlaşır.