Gürcüstan Dağlıq Qarabağdakı "referendum"un yekunlarını tanımır. Bu barədə Gürcüstanın Ermənistandakı səfiri Revaz Qaçeçeladze çərşənbə axşamı Novosti-Armeniya agentliyinə bildirib.
"Gürcüstanın Ermənistandakı səfiri olaraq, mən ölkəmizin GUAM çərçivəsində səsləndirdiyi mövqeyi ilə tamamilə razıyam", - deyə o qeyd edib.
R.Qaçeçeladzenin sözlərinə görə, GUAM lap əvvəldən "referendum" haqqında mənfi tonda danışıb və Gürcüstan Dağlıq Qarabağdakı referendumun yekunlarından asılı olmayaraq, onu tanımır. Bu barədə Trend xəbər verir.
Dekabrın 5-də GUAM (Gürcüstan, Ukrayna, Azərbaycan, Moldova) Xarici işlər nazirləri Şurası dekabrın 10-da Dağlıq Qarabağda keçirilməli olan "konstitusiya referendumu" ilə bağlı ciddi narahatçılıq keçirdiyini bildirib.
Çərşənbə axşamı Brüsseldə keçirilmiş toplantının yekunları üzrə qəbul olunmuş birgə bəyanatda GUAM xarici işlər nazirləri vurğulayıblar ki, "referendum"un keçirilməsi Azərbaycan Respublikasının konstitusiyasını, eləcə də beynəlxalq hüququn müvafiq norma və prinsiplərini kobud şəkildə pozur.
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
