Millətçi Demokratlar Hərəkatının (MDH) strukturunun formalaşdırılması istiqamətində iş aparılır. Bu barədə Trend ə MDH-nin təsisiçlərindən olan Azərbaycan Xalq Cəbhəsi (klassiklər) Partiyasının sədri Mirmahmud Mirəlioğlu bildirib.
Qeyd edək ki, MDH 2005-ci il 6 noyabr parlament seçkilərindən sonra bir neçə siyasi partiya və fərdin iştirakı ilə təşkil edilib.
M.Mirəlioğlu bildirib ki, hərəkatın strukturunun formalaşdırılması ilə bağlı yaradılan təşəbbüs qrupu hələlik işini yekunlaşdırmayıb: "Hərəkatın İdarə Heyətinin tərkibinin müəyyənləşdirilməsi və əsasnaməsinin təsdiqlənməsi nəzərdə tutulub. Ancaq hələlik bu istiqamətdə apardığımız işlər yekunlaşmadığından dəqiq mövqe bildirə bilməyəcəm".