Azərbaycan, Bakı, 29 iyun /Trend/
Bakı-2015 ilk Avropa Oyunlarının bağlanış mərasimi Türkiyə mediasında da geniş işıqlandırılıb.
Trend-in məlumatına görə, "TRT Haber" telekanalının internet səhifəsində "Bakıda görkəmli bağlanış" başlıqlı reportaj yerləşdirilib.
Prezident İlham Əliyev, xanımı, Bakı-2015 ilk Avropa Oyunlarının Təşkilat Komitəsinin sədri Mehriban Əliyeva və Avropa Olimpiya Komitələrinin prezidenti Patrik Hikkinin 68 minlik Bakı Olimpiya Stadionunda tamaşaçıları salamlaması ilə başladığı möhtəşəm mərasimdə milli və Avropa mədəniyyətinin nümunələrinin təqdim edildiyi qeyd olunur.
Avropa Oyunlarının Türkiyə ərazisində rəsmi yayımçısı "NTV Spor" kanalı isə bağlanış mərasimini canlı təqdim edib.