Azərbaycan, Bakı, 18 may /Trend, müxbir Ş.Cavadsoy/
Mayın 17-də İstanbulda Kral TV-nin təsis etdiyi sayca 17-ci Kral Musiqi Mükafatının təqdimetmə mərasimi keçirilib. İstanbulun "Haliç Konqre" sərgi və toplantı mərkəzində keçirilmiş təqdimat mərasimində ən çox mükafat almış müğənni Meqa Star Tarkan Tevetoğlu oldu.
Trend Türkiyənin www.ensonhaber.com saytına istinadən xəbər verir ki, birdən-birə 14 mükafata layiq görülən Tarkan qardaş ölkənin rəqibsiz kişi müğənnisi olduğunu bir daha sübuta yetirib.
