Bakı. Trend:
Bu gün İtaliyanın Lido adasında ən qədim beynəlxalq kino nümayişləri, 78-ci Venesiya Film Festivalı başlayır.
Trend xəbər verir ki, tədbir bu il Penelopa Kruz, Rossi de Palma və Aytana Sançes-Xitonun baş rolları ifa etdikləri ispan rejissor Pedro Almodovarın "Paralel analar" filmi ilə açılacaq.
Əsas yarışmada 21 film iştirak edəcək. "Qızıl aslan" üörunda Ana Lili Amirpur ("Mona Lisa və qanlı Ay"), Ceyn Kempion (Baş rollarda Benedikt Kamberbetç və Kirsten Danst oynadıqları "İtin gücü"), Qaston Düpra ("Rəsmi müsabiqə", baş rollarda Antonio Banderas və Penelopa Kruz), Meqqi Cillenxol ("Son qız", baş rolda Olivia Kolman), Pablo Larraina ("Spencer", Şahzadə Diananın rolunda Kristen Stüart) və digərləri mübarizə aparacaqlar.