Bakı. Trend:
Diplom tanınması üçün son 8 ayda 3480 müraciət əsasında müvafiq ekspertiza həyata keçirilib.
Trend xəbər verir ki, bunu Təhsildə Keyfiyyət Təminatı Agentliyinin (TKTA) İdarə Heyətinin sədri Tural Əhmədov bu gün keçirilən brifinqdə deyib.
O bildirib ki, 2989 müraciətə müsbət rəy verilib.
"491 nəfərə yəni, 14 % müraciətə isə mənfi rəy verilib.
Düşünürəm ki, bu mövzuda maarifləndirmə düzgün aparılsaydı, imtina qərarları da olmazdı", - deyə o əlavə edib.