Azərbaycan,Xaçmaz, 12 mart / Trend ", müxbir A.Qafarov/ Qusar rayonunda son iki ayda 3 nəfər itkin düşüb. Qusar rayon polis şöbəsindən çərşənbə günü Trend a bildirilib ki, itkin düşənlərdən ikisi yeniyetmədir. Məlumata görə, paytaxt Bakıdan 320 kilometr şimalda yerləşən Qusarın Balaqusar kəndində yaşayan 1994-cü il təvəllüdlü, məktəbli Həmzət Əbümüslümoviç Osmanov yanvarın 28-də evdən çıxıb və geri qayıtmayıb.
Rayonun Gündüzqala kənd sakini 14 yaşlı, 8-ci sinif şagirdi Sərkər Sultan oğlu Sərkərov fevralın 24-dən itkin düşüb. Qusarın Piral kənd sakini 35 yaşlı Fair Rukməddin oğlu Abasov da fevralın 24-dən itkin düşüb.
Polis şöbəsindən bildiriblər ki, hər üç şəxsin itkin düşməsinin səbəbi araşdırılır və axtarış aparılır.
