Bakı.Trend:
Almaniyanın qərbində, Şimali Reyn – Vestfaliya federal torpağının Gelzenkirxen şəhərində dəmir yolunda törədilən vandalizm və kabellərin oğurlanması ölkə üzrə uzaqməsafəli qatarların hərəkətində, o cümlədən Münhen, Köln və İsveçrənin Bazel şəhəri istiqamətlərində ciddi fasilələrə səbəb olub.
Bu barədə “Deutsche Bahn” dəmir yolu konserni məlumat yayıb.
Şirkətin məlumatına görə, hadisə ilə bağlı siqnal hüquq-mühafizə orqanlarına saat 04:55-də (Bakı vaxtı ilə 05:55) daxil olub. Naməlum şəxslərin hərəkətləri nəticəsində siqnalizasiya və qatarların hərəkətinə nəzarət sistemləri tamamilə sıradan çıxıb. İstintaqın versiyasına görə, naməlum şəxslər qəsdən və son dərəcə kobud şəkildə hərəkət ediblər – relslər boyunca çəkilmiş kabellər bir neçə yerdən kəsilərək qoparılıb.
Yerli polis nümayəndəsinin sözlərinə görə, idarə Gelzenkirxen-Yukkendorf ərazisindəki dəmir yolu sahəsində kabel oğurluğu şübhəsi ilə araşdırmaya başlayıb.
